Fai un ano que perdemos a nosa compañeira Amelia Ben Leston. Queremos aproveitar a ocasión para facer unha pequena homenaxe a unha persoa que loitou ata o fin dos seus días en defensa do que creía. Unha loita sen cuartel na defensa dunha sanidade 100% pública pese as limitacións que padecía, deixando unha profunda pegada en todas e todos nós. Foi un claro exemplo de que a loita que se perde é a que non se fai.
Pese a todo os atrancos e a súas dificultades, sempre sacaba forzas para seguir adiante, participando en actos e concentracións, repartindo folletos ou o que fora necesario.
A compañeira loitou contra o desmantelamento do noso sistema sanitario público sen descanso, e dende aqui, queremos facerlle unha lembranza, unha vez mais, para recordarlle a todas e todos, que seguiremos o seu exemplo: Non pararemos de loitar ata conseguir unha sanidade 100% pública, de calidade e universal.
Amelia sempre estará presente nesta loita porque está na nosa memoria e nos nosos corazóns.
Grazas Amelia.
A SANIDADE NON SE VENDE, DEFÉNDESE !!!
Deja un comentario