Trala constitución da Marea Branca Estatal o pasado 18 de Xuño en Madrid, tomamos como primeira medida, a petición ás administraciones autonómicas do estado español, de tódolos datos sobre as listas de agarda, e si os nosos recursos públicos están sendo utilizados coa racionalidade esixida.
Por isto, presentamos hoxe na Xunta de Galicia, a través do organismo de transparencia da Xunta de Galicia, unha petición formal dos referidos datos. Información a que ten dereito calquera cidadán no exercicio dos seus dereitos.
Esta son as nosas peticions:
- Situación con datos reais das listas de agarda a Xuño do 2016, cirúrxicas por especialidade, probas diagnósticas e de primeira consulta de tódolos servizos.
- Número de doentes que están nas listas de espera non estruturais, ben por rexeitar ser derivado a un centro privado ou por non ter recibido aínda a notificación da data para a súa proba ou intervención.
- Criterios que se aplican nos chamamentos nesas listas por servizo e hospitais, e criterios que se aplican para derivar ás doentes á clínicas privadas.
- Informes técnicos previos da necesidade para a derivación a clínicas privadas e nome das empresas que se utilizan para cada servizo.
- Informes técnicos previos de avaliación comparada de probas e intervencións do anteriormente informado, entre a sanidade pública e a sanidade privada.
A SANIDADE NON SE VENDE, DEFÉNDESE!!
http://play.cadenaser.com/widget/audio/1467377264_187769/
Coordinadora Antiprivatización da Sanidade Pública - A Coruña 