A Coordinadora Antiprivatización da Sanidade Pública de A Coruña anuncia que este terceiro domingo de agosto, o día 18, lamentamos non poder estar no Obelisco como levamos facendo dende hai xa 49 mareas. Esta sería a 50.
A Marea Branca 50 farémola en setembro, mais non queremos deixar de facer a seguente reflexión:
En setembro voltaremos con forzas redobladas porque o que está a demostrar este goberno do Estado en funcións e a Xunta en estado “terminal”, é que os recortes non cesan.
1- A precariedade no persoal sanitario.
2- A falta de recursos humanos e técnicos.
3- A falta de investimestos.
Todo isto redunda no desmantelamento da primaria nas listas de agarda, peches de camas…
Isto non é nada para o que está por vir: Sánchez na súa investidura anunciou a que se vén, obriga as CCAA a cumplir o mandato da EU de aplicar o límite de déficit, o que significa máis recortes e privatizacións, en cumprimento do artigo 135 da Constitución española, aprobado polo PSOE En 2011 co beneplácito do PP.
A coordinadora como parte de COLECTIVOS EN LOITA convócavos a unirvos o vindeiro día 12 de setembro á nosa, xuntanza onde esperamos ser moitos e moitas.
Coordinadora Antiprivatización da Sanidade Pública - A Coruña 