http://embed.bambuser.com/broadcast/5873889
A Coordinadora Antiprivatización da Sanidade Pública da Coruña súmase ás Marchas da Dignidade. O 24O acudirá ao obradoiro para esixir pan, traballo, teito e saúde.
A situación do noso país segue a ser grave. Millons de cidadáns carecen de traballo.
Centos de miles están no exilio en busca dunha oportunidade que no encontran no noso país. Miles de familias son desafiuzadas das súas vivendas cada ano.
Somos un dos países mais aventaxados en pobreza infantil.
A desigualdad está a medrar dun xeito escandaloso. As diferencias salariais entre as direccións das empresas e as traballadoras e traballadores chegan ata un 185%.
A corrupción sistémica e o descontrol total dos servizos básicos do noso país fai que teñamos unhos dos prezos mais altos da Unión Europea. O desmoronamento da educación, a falta de becas, o incremento das tasas, etc. son motivos mais que suficientes para encher o Obradoiro e enviarlle unha mensaxe clara ao noso goberno e á Troika de rexeitamento ás súas políticas de emprobrecemento.
O sistema sanitario público está a ser desmantelado, desviándose cada vez mais presuposto ao sector privado. Seguen a medrar as persoas doentes que non poden pagar os seus medicamentos. A saúde mental está completamente abandonada, cando en Galicia prodúcense mais dunha morte diaria por suicidio. As listas de espera seguen a medrar e se seguen pechando camas, servizos ou non se repon persoal ou medios materiais. O claro obxectivo é descapitalizar o sistema sanitario público e cederlle o protagonismo á sanidade privada.
O nefasto novo Hospital de Vigo, onde faltan persoal e medios, reflicte o modelo sanitario que o PP quere para Galicia. E non o imos aceptar.
Os hospitais comarcais están a ser desmantelados.
A situación dos centros de benestar, residencias xeriátricas e centros de discapacitados é crítica por culpa dos recortes, o que supón un grave risco para as persoas internas.
De novo, estamos na rúa porque a única saída é a mobilización e a unidade contra estas políticas de recortes.
Por todo isto e por moito mais, o 24O nós imos. E ás esixencias de Pan, Traballo e Teito, engadiremos a dunha Sanidade Pública, Universal, Gratuíta no momento da prestación e do acceso aos tratamentos, e de calidade.
PAN, TRABALLO, TEITO E SAÚDE.
A SANIDADE NON SE VENDE, DEFÉNDESE
Coordinadora Antiprivatización da Sanidade Pública - A Coruña 